allsherjarverkfall

Ísland er tilbúið fyrir byltingu en Íslendingar ekki. Ég fer í allsherjarverkfall e.h. og
skunda á Þing.

Vandinn í hnotskurn

Geir okkar segir í Fréttablaðinu í morgun að við þurfum ekki að óttast dýpkandi heimskreppu sem Robert Wade varaði við. Við erum komin í skjól (Alþjóðabankans)! og því betur undirbúin en margir aðrir. Í sömu grein kemur fram að bankakerfið virki ekki alveg. Fyrr í vikunni minnti Geir á að þetta væri heimskreppa en ekki heimatilbúinn vandi! Höfum heyrt þetta áður í október. Enn lemur hann hausnum við steininn. Er þetta ekki okkar stærsta vandamál.

Skemmdarvargar....

Það hefur komið í ljós að eftirlitsmyndavélin sem sagt var að hefði verið eyðilögð á þriðjudaginn var búin að vera biluð í einhvern tíma. Auk þess var mótmælunum lokið og flestir farnir. Hver á fjölmiðlana - hvaðan kemur þessi áróður?
Hvar er kinnbeinsbrotni lögreglumaðurinn? Hvers vegna er það mál ekki rannsakað og fólk boðað í yfirheyrslur? Var þetta bara mold?
Á morgun föstudag verður Birnu-Glittismótið - Sukkað í sjóðunum haldið við Glittni (Íslandsbanka) á Kirkjusandi kl.13.30.
Höldum áfram að bjarga Íslandi.

Hefur eitthvað breyst?

Hverjir eiga fjölmiðlana í dag? Morgunblaðið hamast á mómælendum sbr. leiðara á mánudag og í morgun.
"Ísland hefur verið friðsamt samfélag. Ekki land ofbeldis og ógnana. Vilja svokallaðir mótmælendur breyta því?" Er spurt þar; Ef stjórnvöld hlusta ekki á sanngjarnar kröfur almennings og fara frá þá mun Ísland ekki verða friðsamt samfélag.

„Glöggt er gests augað"

Uppreisnin: Geir er að Guggna

Uppreisnin eða það sem ég vona að hægt verði að kalla byltingu heldur áfram. Aðgerðarsinnar eigna sér það að 3 Bankastjórar voru reknir í dag. Og þeir eiga það:"Þegar við mótmælum kröftulega, glæðist áhugi fjölmiðlamanna og þeir fara að grufla í skítnum."

Góður vinur sendi: Besta mál. Og þetta hefur áhrif! Ég er sannfærður um að mótmælin í Landsbankanum hjálpuðu til þess að Tryggvi og Elín voru látin segja af sér. Síðan kemur að því að þeir geta ekki fórnað fleiri peðum!

Það grátlega er að þetta fólk er búið að hafa 3 mánuði til að bjarga því sem "bjargað" verður. Það hefur verið nóg að gera hjá pappírstæturunum.
Það er einhver búinn að skipuleggja fótboltaleik fyrir utan Glittni á Föstudaginn kl. 13:30 - það vantar fullt af klappliði. Svo held ég það væri ráð að syngja í Seðlabankanum... fyrst það virkar svona vel.

Það vakti athygli mína að Ráðherrar sem hafa verið með stranga öryggisgæslu - voru óhræddir að nálgast hóp af mótmælendum sem flestir voru með svartar grímur - við Alþingishúsið í gærmorgun. Hvað ef einhver af þessum óskaplega reiðu mönnum sem allir eru að tala um hefði verið þarna og ráðist að Ráðherrunum. Ja lögreglan var að týnast inn á svæðið og Sérsveitin kannski ekki langt undan. Nei ég trúi því ekki að þeir hafi verið að reyna að espa fólk upp í einhverja vitleysu. Það er bara dásamlegt að búa í svona friðsömu landi. Til að svo verði áfram þurfa þeir að fara. Geir er ennþá í sama Guð blessi Ísland sjokkinu. Í gær talaði hann um Heilan Ráðneytisstjóra sem væri að redda málunum og Iðnaðarráðherra sem er tryggja Áliðnað á Suðurnesjum þannig að það er margt í gangi. Sjúkk og ég hélt það væri ekkert að gerast.
Við fylgjumst spennt með Lettunum. Ef það virkar að brjóta rúður þá er ekkert mál að glerja eitt hús. Alþingishúsið er bara alltof fallegt til að kasta grjóti í það.
30. Mars 1949 þegar stofnaðildin að Nato var samþykkt var varalið Lögreglu og Hvítliða inn í Þinginu og Hvítliðar höfðu raðað sér fyrir framan húsið. Þegar kvikmyndir eru skoðaðar sést að eggjum er kastað frá mönnum við Þinghúsið á mótmælendur á Austurvelli. Svo réðst varaliðið út lamdi á mótmælendum og allt varð vitlaust. En við þurfum ekkert að óttast í 2. gr. Lögreglulaga um hlutverk hennar segir: "Að gæta almannaöryggis og halda uppi lögum og reglu, leitast við að tryggja réttaröryggi borgaranna og vernda eignarrétt, opinbera hagsmuni og hvers konar lögmæta starfsemi."
Guð blessi Ísland og íslenskan almenning.
Lifi byltingin

Byltingin breiðist út

byltingin breiðist út...það eru samt nokkur ár í Heimsbyltinguna....

Óeirðir vegna kreppu í Riga

!!!Varúð!!!

Næstum ekkert í þessari frétt er rétt og allt ónákvæmt. Þetta voru ráðherrar en víst eru þeir Þingmenn líka.
Það kom til stympinga þegar lögrleglan ýtti mótmælendum til hliðar svo ráðherrar kæmust inn. Aðrir laumuðust inn bakdyramegin. Rauða málningin sem var slett á Utanríkisráðneytið og Stjórnarráðið var vatnsmálning og matarlitur sem skolaðist af með vatni. Það voru tákrænar aðgerðir vegna fjöldamorða á Gaza. En bíddu rautt eru þetta ekki örugglega kommúnistar og skríll.
Björgvin G. Sigurðsson kom fyrstur, enginn lögregla var þá á svæðinu og hann snautaðist aftur inn í bíl. Enn og aftur tókst að seinka fundinum og þeir minntir á að meirihluti þjóðarinnar vill að þeir fari frá. Mbl hefur breytt vinnubrögðum sínum. Þeir eru hættir að taka upp myndir svo fólk sjái sjálft hvað er að gerast. Nú flytja þeir bara afbakaðar fréttir og birta gamlar ljósmyndir með. Stefnan sést í leiðaranum í gær. Er nema von að blaðið sé á hausnum.

Mótmælt við Alþingishúsið

Leiðari moggans

Reyndi að gera athugasemd við leiðarann í dag. Bara stutt: OMG - Guð minn Góður.
en þarf að vera skráður notandi - sem ég er. Ef þið lesið hann þá vitiði hvað ég meina.
lifi byltingin

Reiði

Eftir að ég kom út úr mótmælendaskápnum hef ég ekki getað snúið við. Þrátt fyrir að vera tæplega fimmtugur afi hef ég verið talinn tilheyra hópi ungmenna. Líka skríll, þetta lið, ekki þjóðin o.s.frv. Ég læt mér vel líka enda hef ég rétt fyrir mér einsog 78% þjóðarinnar. En eitt skil ég ekki; ég á að vera svo óskaplega reiður - ég er bara ekkert reiður. Reiði er svo óskaplega slæm fyrir líkama og sál og ekki endalaust hægt að vera reiður ungur maður. Ég var sjokkeraður, hneykslaður, sorgmæddur og jafnvel hræddur. En fyrst og fremmst næstum bugaður af réttlætiskennd. Guð blessi Ísland. Skömmu eftir hrundið fór ég til Bretlands og Hollands, þeir sem ég hitti voru hissa á viðbrögðum Íslendinga "að okkur virtist standa á sama". Þá voru þeir að vitna í viðtöl við fólk á götunni; sjókkeraða Íslendinga sem voru að stappa í sig stálinu. Þetta eru þjóðir með lengri viðskiptasögu en við sem vorum fátækasta þjóð Evrópu fyrir 68 árum síðan.
Ég vil ekki tilheyra þjóð sem lætur það ástand sem nú ríkir yfir sig ganga. Þess vegna verð ég að mótmæla. Ef allir sem vilja að þessi stjórnvöld fari frá myndu láta í sér heyra þá myndu "þeir" heyra. Í hruninu sagði hvítflibba vinur minn "ég hef aldrei verið jafn til í byltingu og núna". Ég fékk sjokk því eftir að hafa verið byltinarsinni frá 1973 og vel framm á níunda áratuginn var mín bylting alltaf blóðug. En í fyrsta sinn á minni ævi var tilefni og ástand til byltingar á Íslandi. Við þurfum friðsamlega byltingu fyrst hjá okkur sjálfum og svo í öllu þjóðlífinu. Við erum svo heppin að vera herlaus þjóð, en við skulum ekki verða hauslaus líka.

Annars til hamingju með Nýja Ísland. Flokkurinn ætlar að hittast í næsta mánuði og ákveða hvort við eigum að ganga í ESB.
Aðrir ætla að hittast við Iðnó í fyrramálið kl. 9:00 og stoppa Ríkisstjórnarfund sem hefst í nágrenninu kl. 9:30.
Aldraðir, öryrkjar ömmur og afar sérstaklega hvattir til að mæta. Við erum ekki í stríði og allra síst við Lögregluna,
sem verður á staðnum og sér til þess að allt fari vel fram og enginn meiðist.

Þeir sem misstu af Nirði P. Njarðvík í Silfri Egils ættu að horfa á eyjunni....
Ef þig langar að mótmæla: http://sapuopera.blog.is/blog/sapuopera/

Lifi byltingin

gjörningur

Ég skil eiginlega ekki þetta bull - tilkynning sem var lesin upp hljómar: Við fordæmum blóðbað Ísraelsstjórnar á Gaza og við krefjumst þess að ríkisstjórn Íslands slíti stjórnmálasambandi við Ísrael þegar í stað.

Mótmælt við stjórnarráðið