MBL.Is

Hvers vegna var þetta ekki í sjónvarpsfréttum - eða á Mbl.is þeir voru
allavega með myndatökumann á staðnum. Fáránleg aðgerð ... og of
fámenn mótmæli. Við verðum að vekja athygli á þessum nauðungar
samningum sem er verið að pína okkur til að samþyggja. Þetta er hrikalegt,
en við gætum líka verið að mótmæla Ríkissaksóknara þótt hann tengist á engan
hátt því að mál sem varðar son hans beið í 3 mánuði hjá embættinu. Fleiri
mál virðast vera í hægagangi. Gegnsæi allt upp á borðið - er það ekki - jú
bara ef við fáum að halda áfram ekki satt Sigurjón Þ. Árnason.
Endilega að piknikka á Austurvelli á morgun.
Lifi æ, hvað heitir það aftur bylta eða eitthvað svoleiðis.

Nokkrir handteknir

Athugasemdir

[Sveinbjörn Eysteinsson, 16.6.2009 kl. 00:06]

falið í þessari frétt                                                                                              http://www.mbl.is/mm/frettir/innlent/2009/06/15/sjalfstaedismenn_rada_urslitum/

[Guðmundur Gunnarsson (IP-tala skráð) 16.6.2009 kl. 00:50]

Sæll.

Því miður virðast þessir 32.000 aðilar sem hafa skráð sig á móti Icesave samningnum vera búin að missa alla trú á að getað haft nokkur áhrif á stjórnvöld og þingheim til að forða þeim frá landráðinu. Hugsanlega er það offramboð af fréttum af glæpahyskinu, spilltum embættismönnum og myrkraverkum þeirra sem hefur skollið yfir þjóðin látlaust seinustu vikurnar sem lamar fólk og fyllir það vonleysi og framtaksleysi? Búin að gefast upp? Stundum virðist eins og fjölmiðlar gangi sérstaklega erinda þeirra sem hafað skammtað þeim nýjum “skúbbum” til að draga athyglina frá ruglinu í þeim sjálfum.

Því miður var mætingin á Austurvöll ekki góð. Samt var nokkuð harður hópur sem settist á götuna fyrir framan Alþingishúsið og lögreglan fjarlægði þau með valdi og væntalega upp á lögreglustöð.  Umferðin var engin.  Einnig segja fréttir útvarps að einhverju hafi verið grýtt í Alþingishúsið að sögn lögreglu.  Einhverjir unglingar hentu nokkrum vatnsblöðrum eins og börn nota til leikja.  Aðgerðir yfirvalda voru fullkomlega óþarfar og í engu samhengi við aðstæður að mínu viti, og einungis til þess fallnar að hleypa mótmælunum í óþarfa hörku og þá ekki síður af mótmælendunum frekar en yfirvalda.  Aðeins einn póstbíll vildi nýta sér veginn á þeim tíma sem setuverkfallið stóð, og bílstjórinn lagði bílnum og hljóp með pinkil yfir Austurvöll til viðtakanda án nokkurs drama.  Málið dautt.

Mótmælin á morgun hefjast um kl. 16.30 og það er hæpið að við sem höfum mætt á hverjum degi getum mótmælt fyrir ykkur öll og fjölskyldurnar sem og ófædda afkomendur. Við erum öll að vilja gerð, en því miður dugar þessi litli hópur varla. Betur má ef duga skal.