meira bang bang

Notaleg stemming við Seðlabankann í morgun. Gaman að finna strauminn enn og öll fallegu andlitin sem maður þekkir. Þetta verður að halda áfram...Minnir okkur á að þótt sum tækin séu komin á Þjóðminjasafnið þá er nóg til og við tökum aldrei framar þegjandi þátt í dellumaki.
Nú erum við öll búin að gera okkur grein fyrir helvítinu sem við erum lent í þótt Geir og fl. kalli þetta 2006. Við erum eins gjaldþrota og nokkur þjóð getur orðið. Við verðum að finna alla peningana sem rænt var frá okkur. Og virkja mannauðinn hvernig sem við förum að því.
Breytum um utanríkisstefnu, í tilefni af því að við erum 3.heims ríki í vestrinu- þurfum við að taka stöðu með þeim. Heimskapítalisminn á sök á því að margar þjóðir eru í ánauð og svelta heilu hungri. Svo ekki sé minnst á allan hernaðinn sem fylgir honum. Úr Nató - Leggjum niður Varnarmálastofnun. Viðurkennum rétt þjóða til sjálfstæðis - byrjum á Palestínu.
Byltingin okkar sem nú er kölluð hinu saklausta nafni Búsáhaldabylting getur ekki stoppað hér. Vestræna pressan kallar þetta ekki byltingu því samkvæmt bókinni getur ekki orðið bylting í "Vestrænu Lýðræðisríki" (sic).
Þurfti að útskýra fyrir Kana um daginn að við værum í sjokki eftir að hafa komist að því hvað margir stjórnmálamenn væru nátengir auðjöfrum, viðskiptum og spillingunni sem því fylgir...! Vissum við þetta ekki allan tímann? En það var svolítið holur hljómur í þessu: Peningar og frelsi - Bandaríkin og helsi.
Þegar við eigum lausa stund skulum við vera fyrir utan Seðlabankann það munar um einn annars heyrist ekki neitt.